Бага пра працу трэнераў: «У Расіі Лічка чацвёрты год – пра яго кажуць, а ёсць калектывы – фух-шух-пух-тарабух. Так у «Шахцёры»? Ну, вось гэта»

Галоўны трэнер «Шахцёра» Аляксей Бага расказаў пра нюансы трэнерскай працы.

– Самае простае адмазацца трэнеру – патрэбны час. Якасць гульні… Вось няма гульні. Што такое гульня, складнiкi гульні? Шмат рабіць перадач? Давайце, будзем на восьмым месцы – дзе акажацца трэнер? Біць вертыкальна, забіваць? [Скажуць, маўляў,] давай гульню, вы ж гуляеце вертыкальна. Тое і тое сумяшчаць – што трэба зноў, мы вяртаемся да чаго? Да часу, правільна.

Патрэбная стабільнасць абсалютна ва ўсім. Мы можам вярнуцца да расійскага чэмпіянату. Хто сёння на слыху? [Валерый] Карпін – чацвёрты год у «Растове» (працаваў у клубе са снежня 2017-га па жнівень 2021-га, у сакавіку 2022-га вярнуўся на пасаду галоўнага трэнера – Tribuna.com). [Ігар] Асінькін, хай не ўверсе, але ён дае прадукт, – чацвёрты ці трэці год (працуе галоўным трэнерам «Крылаў Саветаў» з ліпеня 2020-га – Tribuna.com). Сёння мы гаворым пра Марцала [Лічку]. Я з ім нядаўна, дарэчы, гутарыў. Ён чацвёрты год у «Арэнбургу» (экс-трэнер брэсцкага «Дынама» ўзначаліў расiйскі клуб менш за тры гады таму, у жніўні 2020-га – Tribuna.com), пра яго ўвесь час кажуць, у яго ёсць прапанова з «Краснадара», яшчэ нешта.

І возьмем, не будзем называць, калектывы, якія ўсё фух-шух-пух-тарабух. Ну і што далей?

– [Сяргей] Семак той жа (узначальвае «Зеніт» з мая 2018-га – Tribuna.com).

– Зноў жа, Сяргей Багданавіч, пяць разоў [запар выйграў чэмпіянат Расіі]. [Футбалістамі «Зеніта»] таксама трэба кіраваць, іх трэба нагружаць, нешта ім расказваць – гэта вялізная праца Сяргея Багданавіча, калі ўжо вяртацца да «Зеніта».

Сёння ў «Шахцёры», вядома, мне хацелася б, каб было ўсё топ – сеў і адпачывай.

– Але «Шахцёр» як змяняе трэнераў – гэта шух-тарабух, як вы кажаце.

– Ну, вось гэта… Я ж кажу, мы можам разважаць пра любы складнік гэтай прыгажосці поспеху як такога. Гэта столькі-столькі ўсяго-усяго.

Можна гуляць як заўгодна. Будзе вынік, але прэзідэнт умоўны прыйдзе ці менеджар, скажа: «Мне патрэбная гульня, брат. Мне твой вынік да аднаго месца». А можна рабіць шэсцьдзесят перадач у адной атацы, быць на шостым месцы – і праз чатыры туры ў аддзел кадраў заходзіш, бярэш раздрукоўку і дадому. І быццам гульня была. Праз гадзіну табе набяруць і скажуць: «Братан, ты проста найлепшы. Такіх перадач я ніколі не бачыў. Каб так гулялі ад сваёй брамы». Але братан паехаў без працы дадому, – сказаў Бага.