«Барселона» атрымала ліцэнзію для ўдзелу ў ЛЧ наступнага сезона – была інфармацыя, што УЕФА магла адхіліць клуб ад еўракубкаў

Камітэт першай інстанцыі па выдачы ліцэнзіі УЕФА Федэрацыі футбола Іспаніі надаў «Барселоне» права на ўдзел у ЛЧ у сезоне 2023/24, паведамляе Mundo Deportivo.

Рашэнне па ліцэнзіі для каталонцаў было прынята аднагалосна пасля вывучэння дакументацыі клуба. Усяго ліцэнзіі УЕФА атрымалі 18 з 20 каманд Ла Лігі.

У сакавіку была інфармацыя, што УЕФА можа адхіліць Барселону на адзін сезон ад еўракубкаў з-за справы Негрэйры.

Раней пракуратура Барселоны падала ў суд, абвінавачваючы «Барселону» ў карупцыі з выплатамі былому віцэ-прэзідэнту тэхнічнага судзейскага камітэта Хасэ Марыі Энрыкесу Негрэйры. Каталонцы прызналі, што плацілі за справаздачы па суддзях, якія рыхтаваў Негрэйра, ён атрымаў ад клуба 7,3 млн еўра з 2001 па 2018 год. Але пракуратура лічыць, што «блаўграна» таксама падкупляла тэхкамітэт.