Карлас Тэвес пра уплыў на яго Фалклендскай вайны: «Я прыехаў у Англію і не жадаў апускацца ў культуру, таму вучыць мову не стаў»

Аргентынскі форвард Карлас Тэвес, які на працягу кар'еры выступаў за «Вест Хэм», «Манчэстэр Сіці» і «Манчэстэр Юнайтэд», распавёў, як Фальклендзкая вайна паўплывала на яго.

«У мяне была культурная праблема з англійскай мовай. Я не хацеў яе вучыць. Я хацеў, каб партнёры вучылі іспанскую.

У мяне ёсць дзядзька, які гуляў за «Рывер Плейт». Ён адзіны, хто падтрымлівае «Рывер» у маёй сям'і. Ён гуляў за дубль і быў прызваны на вайну, калі збіраўся дэбютаваць за асноўную каманду.

Пасля ён пакутаваў і стаў алкаголікам. Гэта вельмі паўплывала на мяне, бо мы былі вельмі блізкія.

Я думаў: «Добра, я прыехаў у Англію працаваць, але апускацца ў культуру не збіраюся. Калі вы хочаце са мной пагаварыць, вывучайце іспанскую, таму што вучыць англійскую я не стану.

Мала хто ведаў гэтую гісторыю, але сёння я гатовы яе расказаць», – заявіў Тэвес.

Фальклендзкая вайна працягвалася з красавіка па чэрвень 1982 года паміж Англіяй і Аргентынай. Прычынай узброенага канфлікту сталі рознагалоссі з нагоды прыналежнасці Фальклендзкіх выспаў, а таксама Паўднёвай Георгіі і Паўднёвых Сандвічавых выспаў. На працягу гэтай вайны загінулі 649 аргенцінскіх салдата, 255 брытанскіх і 3 мірныя жыхары Фальклендзкіх выспаў.