Данецкі «Шахцёр» стымуляваў «Колас» Золатава на 150 тысяч долараў («ТаТоТаке»)
Сувядучы «ТаТоТаке» Міхаіл Співакоўскі заявіў, што данецкі «Шахцёр» стымуляваў футбалістаў «Коласа» Мікалая Золатава перад матчам кавалёўцаў у 27-м туры УПЛ супраць «Дняпра-1».
«Колас» прайграў той матч, прапусціўшы ў кампенсаваны да другога тайма час – 1:2.
«Стымуляванне ў нашым чэмпіянаце, як я разумею, ёсць толькі з аднаго боку. Пастаяннае. Па маёй інфармацыі, «Дняпро-1» не стымулюе супернікаў «Шахцёра». Я не буду крывёю распісвацца пад гэтым.
Некалькі выпускаў таму я сказаў, што мы ведаем, што «Львоў» стымулявалі супраць «Дняпра-1». Тады была сума ў 75 000. Тады мы сказалі, што не будзем называць гэты клуб, але назавем, калі гэта паўторыцца.
Па нашай інфармацыі (доказаў не можа быць, але ёсць інфармацыя з дзвюх незалежных крыніц), «Шахцёр» стымуляваў «Колас» на матч з «Дняпром-1». Сума была 150 000 долараў, гэта значыць кожны гулец, які выйшаў на поле, атрымаў бы дзясятку», – сказаў Співакоўскі.
Нагадаем, КДК АБФФ разгледзеў інфармацыю, што ў ЧБ-2022 кіраўніцтва салігорскага «Шахцёра» арганізавала дагаворныя матчы і фінансава стымулявала клубы вышэйшай лігі. У выніку «Шахцёр» быў пазбаўлены залатых медалёў, «Энергетык-БДУ» – сярэбраных. У гэтых клубаў і «Белшыны» таксама знялі ачкі на сезоны 2023 і 2024 гадоў. 30 чалавек атрымалі розныя дыскваліфікацыі і штрафы, але 25 з іх не будуць забаненыя, калі выплацяць прызначаныя сумы. Падрабязней пра справу «Шахцёра» можна даведацца па спасылцы ніжэй.
