Крыштыяну Раналду: «Чэмпіянат Саудаўскай Аравіі крок за крокам стане адной з топ-5 ліг свету – аднак патрэбны час, гульцы, інфраструктура»

Капітан «Аль-Насра» Крыштыяну Раналду ацаніў перспектывы чэмпіянату Саудаўскай Аравіі.

«Чэмпіянат Саудаўскай Аравіі становіцца ўсё мацнейшым, у наступным годзе будзе яшчэ лепш. Крок за крокам ён стане адной з топ-5 ліг свету. Аднак патрэбны час, гульцы, інфраструктура.

Я веру, што ў гэтай краіны ёсць неверагодны патэнцыял, тут цудоўныя людзі. Ліга будзе дзіўнай», – сказаў Раналду.

Учора, 23 траўня, 38-гадовы партугалец сваім голам прынёс «Аль-Насру» перамогу над «Аль-Шабабам» (3:2). За 2 туры да фінішу клуб адстае ад лідэра «Аль-Ітыхада» на 3 ачкі.

У прэсе была інфармацыя, што Раналду хоча пакінуць каманду ўжо ўлетку.