Крысціяна Бірагі: «Спадзяюся, хтосьці выканае сваю працу і разбярэцца з фанамі «Вэст Хэма»
Капітан «Фіярэнціны» Крысціяна Бірагі пракаментаваў паражэнне ў матчы з «Вэст Хэмам» (1:2) у фінале Лігі канферэнцый.
«Вельмі балюча. Знайсці словы, каб апісаць жахлівае адчуванне, якое маем зараз, вельмі складана.
Мы мёртвыя ўнутры, асабліва таму, што мы галоўныя героі на полі, а за сабой ёсць цэлы горад, які за апошнія два-тры тыдні паказаў, наколькі важная для іх «Фіярэнціна». Мы таксама гулялі за іх, сумней за ўсё вяртацца з пустымі рукамі. Баліць яшчэ больш – «Вэст Хэм» не быў камандай, якую нельга перамагчы. Але прааналізуем гульню з часам.
Не думаю, што мне нешта варта казаць пра фанатаў «Вэст Хэма». Не асуджаю іх, але спадзяюся, хтосьці выканае сваю працу і разбярэцца з імі», – сказаў Бірагі для Sky Sport Italia.
У першым тайме фаны «Вэст Хэма» разбілі галаву Бірагі, кінуўшы з трыбун электронную цыгарэту.