Нэймар праз агента паведаміў «Барселоне», што хоча вярнуцца

Паўабаронца «ПСЖ» Нэймар хоча вярнуцца ў «Барселону», паведамляе Sport.es.

Жаданне 31-гадовага бразільца асабіста было перададзена кіраўніцтву каталонцаў праз агента Піні Захаві, які з'яўляецца вялікім сябрам Жаана Лапорты.

Аднак пакуль вяртанне Нэймара вельмі малаверагодна, паколькі Хаві лічыць патрэбным узмацніць спачатку іншыя, больш прыярытэтныя пазіцыі. Гэта датычыцца цэнтра абароны і паўабароны і крайняга фулбека.

Акрамя гэтага «Барселона» не зможа сабе дазволіць паўнавартасны трансфер футбаліста, таму аптымальным варыянтам з'яўляецца арэнда, што таксама не выключана, улічваючы жаданне парыжан пазбавіцца ад гульца.

Паводле інфармацыі крыніцы, Нэймар дзеля вяртання гатовы нават пайсці на паніжэнне заробку, каб упісацца ў зарплатны фонд і ФФП Ла Лігі.