Гулец «Энергетыка-БДУ» Сілінскі: «Непрыемна чытаць абвінавачванні ў наш адрас»
Паўабаронца «Энергетыка-БДУ» Данііл Сілінскі падзяліўся меркаваннем аб пакаранні АБФФ па справе аб «Шахцёры».
Нагадаем, 11 траўня КДК АБФФ разгледзеў інфармацыю, што ў ЧБ-2022 кіраўніцтва «Шахцёра» арганізавала дагаворныя матчы і фінансава стымулявала клубы вышэйшай лігі. У выніку «Шахцёр» быў пазбаўлены залатых медалёў, «Энергетык-БДУ» – сярэбраных. У гэтых клубаў і «Белшыны» таксама знялі ачкі на сезоны 2023 і 2024 гадоў. 30 чалавек атрымалі розныя дыскваліфікацыі і штрафы, але 25 з іх не будуць забаненыя, калі выплацяць прызначаныя сумы. Падрабязней пра справу «Шахцёра» можна даведацца па спасылцы ніжэй.
– Напэўна ты заставаўся ў камандзе ў цяперашнім сезоне, ведаючы, што будуць еўракубкі. Ці не было спусташэння пасля прынятага АБФФ рашэння?
– Застаўся я ў камандзе, таму што першапачаткова падпісаў кантракт на два гады. Канешне, хацелася згуляць у еўракубках, шмат гаварылі пра гэта паміж сабой, мара была. Яшчэ разумелі, што заслужылі там згуляць. Было сумна, але, значыцца, усяму свой час.
– Ты адзіны вырашыў выказацца прэс-службе «Энергетыка» аб сітуацыі, якая склалася. Ці хацеў нехта яшчэ?
– Не ведаю, але, думаю, многія хацелі нешта сказаць. Непрыемна было чытаць такія абвінавачанні ў наш адрас. Мы аддаваліся ў кожнай гульні і заўсёды хацелі перамагаць, – сказаў Сілінскі.
