Макрон зноў спрабуе пераканаць Мбапэ застацца ў «ПСЖ» – Кіліян мяркуе, што ўжо даў Францыі дастаткова

Прэзідэнт Францыі Эмануэль Макрон зноў пераконвае нападніка «ПСЖ» Кіліяна Мбапэ застацца ў Францыі, паведамляе El Debate.

Спробы прэзідэнта пачаліся некалькі месяцаў таму, мэта – захаваць футбаліста ў Францыі да Алімпіяды-2024. У мінулым годзе Макрон ужо меў поспех, пераканаўшы Мбапэ падпісаць новае пагадненне з парыжанамі. Аднак цяпер Кіліян ужо хоча дакладна сысці, таму што лічыць, што даў дастаткова сваёй краіне ў рамках кантракту з «ПСЖ».

Прэзідэнт французскага клуба Насер Аль-Хелаіфі таксама спрабуе пераканаць Мбапэ застацца, прапаноўваючы яму кантракт да 2025 года і 200 млн адступных наступным летам.

Дзеючы кантракт Кіліяна з «ПСЖ» – да лета 2024 года. Была інфармацыя, што «ПСЖ» можа прапанаваць Мбапэ кантракт на 10-11 гадоў і мільярд еўра.