Аляксей Шпілеўскі: «БАТЭ мае вялікі досвед у еўракубках, але ім будзе вельмі цяжка. «Арысу» ні ў якім разе нельга аддаць ініцыятыву»

Галоўны трэнер «Арыса» беларус Аляксей Шпілеўскі пракаментаваў маючую адбыцца гульню 2-га кваліфікацыйнага раўнда Лігі чэмпіёнаў супраць БАТЭ. - Паважаем саперніка, з якім будзем гуляць. БАТЭ мае вельмі вялікі досвед у еўракубках. Упэўнены, што яны таксама будуць нас паважаць і едуць сюды, прынамсі як я адчуваю і бачу, з такой не асаблівай упэўненасцю [у тым, што ўдасца] тут нешта забраць. Мы гуляем дома, пры нашых заўзятарах, на нашым стадыёне. Ім будзе вельмі цяжка. Самым галоўным будзе выйсці з першых секунд з поўнай канцэнтрацыяй, упэўненасцю. Ні ў якім разе нельга аддаць ініцыятыву барысаўчанам, каб яны адчулі сябе тут упэўнена і тое, што змогуць без стрэсу і ціску гуляць. Запрашаю ўсіх на стадыён. Нават калі вы не заўзятар «Арыса», я ўпэўнены, што пасля гэтай гульні вы ім станеце. Лічу, што таго, каго мы хацелі падпісаць, мы падпісалі, закрылі пазыцыі. Усе лічаць, што адсутнасць Сашы Какорына павінна адмоўна паўплываць на нашу гульню. Так, ён фенаменальны футбаліст, быў адным з найважнейшых у мінулым сезоне. Але ён не адзін гуляў на полі і "вырашаў усю карціну". Былі матчы і без яго, і я не сказаў бы, што каманда выглядала горш. Саня ведае, наколькі моцна я яго кахаю. І ён гэта правільна зразумее. Хачу падкрэсліць: тыя хлопцы, якія ёсць у нас зараз у складзе, вельмі неардынарныя. І наша гульня [без Какорына], як па мне, была больш непрадказальнай. - Наколькі каманда гатова? - Сезон быў вельмі доўгім, паўза - кароткай. Таму ў хлопцаў не было часу расслабіцца ці страціць форму. Але яны аднавіліся. Лічу, перадсезонныя зборы мы правялі на высокім узроўні. Асноўны касцяк у нас застаўся. Сімбіёз той жа, каманда згуляная. Навічкі фантастычна ўпісаліся ў нашу гульню - маю на ўвазе не толькі футбольныя якасці. Камусьці, магчыма, трэба крыху больш часу, каб уліцца і зразумець нашы прынцыпы, філасофію. Але ў матчы за Суперкубак Кіпра я ўбачыў у іх велізарны патэнцыял. - У Какорына была місія на пэўнай пазіцыі, а таксама як крэатыўшчыка і лідэра. Хто можа замяніць яго на гэтай пазіцыі і ў гэтай ролі? — Напэўна, нам давядзецца гуляць не крэатыўна, а брудна, бо Сашы больш няма. Гэта я пажартаваў, канешне ж, каб мяне правільна зразумелі. Пра лідэрскія якасці: лічу, што Вана - адзін з тых, хто трымае ўсю распранальню ў тонусе і дапамагае трэнерскаму штабу і мне як галоўнаму трэнеру вельмі моцна, - сказаў Шпілеўскі. Нагадаем, Матч «Арыс» - БАТЭ пройдзе 26 ліпеня ў Лімасоле на стадыёне «Альфамега». Пачатак гульні а 20:00.