Анчалоці пра таварыскі матч з МЮ: «Схема 4-4-2 працуе добра»
Галоўны трэнер «Рэала» Карла Анчалоці падвёў вынікі таварыскага матчу ў Х'юстане супраць «МЮ» (2:0).
«Мы паказалі добрую гульню, асабліва ў першым тайме. Другі тайм быў больш кантралюемы з нашага боку, з добрым падыходам і самааддачай. Новыя гульцы ўзмацнілі каманду. Мы добра ўкамплектаваны.
У нас няма эгаізму ў камандзе, і гэта вельмі палягчае кіраванне распранальняй. Каманда ў добрай форме, у нас добрая атмасфера, і мы матываваныя.
Гол Белінгема дэманструе яго майстэрства. Ён робіць убяганне з другой лініі ў патрэбны момант.
Такія галы, як у Хаселу, рэдка ўбачыш. Яму не патрэбны дадатковы давер, таму што мы ўжо прадэманстравалі давер да яго, падпісаўшы яго. Ён выдатна завяршае напады ў штрафной і вельмі добрае адрываецца ад апанента на далёкай штанзе. У яго было тры ці чатыры шанцы забіць сёння.
Новая схема 4-4-2 працуе добра. Віні любіць гуляць крыху бліжэй да цэнтра, але часам яму даводзіцца гуляць шырока, таму што ён вельмі фізічна цягавіты.
Разам з Радрыга яны сваёй хуткасцю ствараюць вялікую пагрозу ў пазіцыйных атаках, дзякуючы чаму мы можам гуляць больш прамалінейна. Сістэма таксама дазваляе Белінгему дэманстраваць свае найлепшыя якасці.
Фран Гарсія згуляў вельмі добра. Ён стварае шмат ціску і часта займае пазіцыі, з якіх можна зрабіць добры крос. Мы вельмі шчаслівыя.
Мы вельмі любім Каземіра, і для нас ён легенда «Рэала» і ўсё яшчэ гулец «Рэала», – сказаў Анчалоці.