Прэзідэнт «Марселя» прапануе прыпыняць Лігу 1 падчас Кубка Афрыкі
Прэзідэнт «Марселя» Пабла Лангорыя прапанаваў кіраўніцтву Лігі 1 унесці карэктывы ў каляндар вышэйшага французскага дывізіёна.
«Мы павінны нешта вырашаць з Кубкам афрыканскіх нацый. Пры заключэнні пагадненняў з афрыканскімі гульцамі мы павінны ўлічваць гэты фактар, але гэта не павінна спыняць нас.
Мы не можам будаваць нашу трансферную стратэгію на тым, што можам згубіць футбаліста на адзін месяц. З Лігай 1 нам трэба падумаць аб прыпыненні спаборніцтваў у Лізе на час правядзення Кубка Афрыкі», - сказаў Лангорыя.
«Марсель» мае ў складзе 7 гульцоў, якія ўзімку могуць быць выкліканыя на КАН:
- Жофрэ Кандагбія (Цэнтральнаафрыканская Рэспубліка);
- П’ер-Эмерык Абамеянг (Габон);
- Ісмаіла Сарр і Іліман Ндыяй (Сенегал);
- Шанцэль Мбемба (ДР Конга);
- Амін Харыт і Азедзін Унаі (Марока).
КАН-2024 пройдзе з 13 студзеня па 11 лютага ў Кот-д'Івуары.