Джані Інфанціна: «Ужо рухаемся ў напрамку роўнай аплаты на мужчынскіх і жаночых ЧС, але гэта нічога не вырашыць»
Прэзідэнт ФІФА Джані Інфанціна падзяліўся меркаваннямі па ўзроўні ганарараў для жанчын і мужчын за ўдзел у ЧС па футболе.
«Роўная аплата на чэмпіянатах свету – мы ўжо рухаемся ў гэтым кірунку. Але гэта нічога не вырашыць. Гэта можа быць сімвал, але ён нічога не вырашыць, таму што гэта адзін месяц кожныя чатыры гады, тут гуляе некалькі гульцоў з тысяч і тысяч футбалістаў. Неабходна захаваць гэты рух.
І кажу ўсім жанчынам – а вы ведаеце, у мяне чатыры дачкі, так што ў мяне дома таксама ёсць некалькі прадстаўніц – што ў вас ёсць сіла мяняць. Выбірайце правільныя бітвы. Выбірайце правільныя баі.
У вас ёсць сіла пераканаць нас, мужчын, што мы мусім рабіць, а чаго не павінны рабіць. Вы гэта зробіце. Проста зрабіце гэта», – сказаў Інфанціна.
Агульная сума прызавых на ЧС-2022 сярод мужчын склала 440 млн долараў, на ЧС-2023 сярод жанчын – 110 млн долараў.
