Яўген Бярозкін: «У беларускім футболе вялікі спад, але спадзяюся, што хутка ўсё наладзіцца»
Паўабаронца «Кызыл-Жара» Яўген Бярозкін пракаментаваў становішча ў беларускім футболе.
– Ці супастаўны чэмпіянат Казахстана з чэмпіянатамі Беларусі і Латвіі, у якіх вы раней выступалі?
– Я не хацеў бы іх канкрэтна ў чымсьці параўноўваць. Шмат у чым яны падобныя, аднак зараз у Беларусі вялікі спад. Ёсць розныя прычыны, з якіх гэта адбылося. Але я вельмі спадзяюся, што мы яго ў хуткім часе пройдзем і ўсё наладзіцца. Станем мацнейшым як унутры чэмпіянату, так і ў еўракубках. Плюс жадаецца перамог і вынікаў ад зборнай. Казахстан жа наадварот, зараз пракладвае вялікі шлях да развіцця, зборная выступае дастаткова нядрэнна, моцны чэмпіянат. Хацелася б паляпшэння інфраструктуры, тым больш балельшчыкі і спартсмены гэтага заслугоўваюць, і я жадаю, каб так усё і было ў найбліжэйшай будучыні. У Латвіі таксама моцны чэмпіянат, ёсць каманды, у якіх добрыя рэсурсы і ўмовы для працы. Яны могуць скласці канкурэнцыю на еўрапейскім узроўні і дабівацца пэўных вынікаў.
– У складзе юнацкай і маладзёжнай зборных Беларусі вам удалося згуляць супраць аднагодкаў з Бельгіі, Нідэрландаў, Англіі і Турцыі. Акрамя чырвонай карткі ў гульні з бельгійцамі, чым запомніліся дадзеныя гульні?
– Гэта было ўжо даўно, так што шмат чаго і не ўспомніш. У любым выпадку, гэта вялікае дасягненне і гонар прадстаўляць сваю краіну на міжнародным узроўні розных узростаў. Гэта вельмі моцныя каманды, было вельмі цікава згуляць супраць іх і адчуць свой узровень на фоне такіх супернікаў. У гульні з бельгійцамі было прыкра, ведучы 2:0 мелі вялікі шанц выйграць і прайсці далей, аднак у самым канцы ўпусцілі перамогу. Вельмі цяжкае і сумнае паражэнне, – распавёў Бярозкін.
