Пасля арэнды ў «Рому» ў кантракце Лукаку з «Чэлсі» з'явіцца пункт пра адступныя ў 37 млн фунтаў

Журналіст The Telegraph Мэт Лоў прадставіў абноўленую інфармацыю па ўмовах арэнды нападаючага «Чэлсі» Рамелу Лукаку ў «Роме».

30-гадовы бельгіец дзеля гэтага пераходу ідзе на паніжэнне заробку. Таксама ў яго кантракце з лонданцамі з'явіцца пункт пра адступныя 37 мільёнаў фунтаў на выпадак, калі ён добра праявіць сябе ў складзе рымлян.

Па папярэдніх дадзеных, бакі ўжо дамовіліся пра пераход, засталося толькі падпісаць дакументы.

Мінулы сезон Лукаку правёў на правах арэнды за «Інтэр», дзе забіў 14 мячоў і аддаў 7 асістаў у 37 матчах. Статыстыка 30-гадовага нападаючага тут.

«Чэлсі»» набыў Рамелу летам 2021-га за 113 мільёнаў еўра.