Кампанія 777 Partners, якая з'яўляецца ўладальнікам «Джэноа», «Герты» і іншых клубаў, купіла 94,1% акцый «Эвертана»
Уладальнік «Эвертана» Фархад Машыры абвясціў пра продаж 94,1% акцый клуба.
Новым галоўным акцыянерам ліверпульскага клуба стала амерыканская прыватная кампанія 777 Partners. Па папярэдніх даных яны заплацілі за сваю дзель акцый 600 мільёнаў фунтаў.
777 Partners – амерыканская прыватная інвестыцыйная кампанія, якая базуецца ў Маямі. З таго часу, як 777 Partners было створана ў 2015 годзе, кампанія стала ўладальнікамі «Джэноа», «Стандарда», «Рэд Стар», «Васко да Гамы» і «Герты». Таксама ёсць мінарытарныя часціцы ў «Севільі» і «Мэльбурн Віктары».
Джош Вандэн, заснавальнік і кіраўнік 777 Partners, пракаментаваў куплю «Эвертана»:
«Мы сапраўды ўдзячныя магчымасці стаць часткай сям'і «Эвертана» як уладальнікі клуба, і лічым прывілеем мець магчымасць развіваць яго ганарлівую спадчыну і каштоўнасці.
Наша галоўная задача – працаваць з заўзятарамі і зацікаўленымі бакамі развіцця спартыўнай і камерцыйнай інфраструктуры для мужчынскіх і жаночых каманд, якая забяспечыць вынікі будучым пакаленням заўзятараў «Эвертана». У рамках гэтага мы імкнемся доўгатэрмінова супрацоўнічаць з мясцовай абшчынай, працуючы над такімі важнымі праектамі, як развіццё «Эвертана» (новая хатняя арэна клуба, якая павінна быць дабудавана ў 2024 годзе – Tribuna.com) як стадыёна сусветнага класа, што дазволіць тысячам іншых жыхароў Эвертана наведваць нашы хатнія матчы і спрыяць эканамічнаму і культурнаму адраджэнню «мерсісайдцаў», – гаворыцца ў заяве.
Чакаецца, што закрыццё пагаднення адбудзецца ў чацвёртым квартале 2023 г. і будзе залежаць ад адабрэння рэгулюючых органаў, у тым ліку ад АПЛ, Футбольнай асацыяцыі і Упраўлення фінансавага рэгулявання.
