Кірыл Сідарэнка: «Для «Славіі» матч з «Іслаччу» скончыўся ўдала. Змагаемся за медалі, а ў канцы паглядзім, што атрымаецца»
Нападаючы «Славіі» Кірыл Сідарэнка падзяліўся меркаваннем аб матчы з «Іслаччу» (2:1).
– Гульня была вельмі цяжкая і прынцыповая. Змагаемся за медалі, а ў канцы паглядзім, што атрымаецца. Выйграць хацелі як мы, так і «Іслач». Для нас матч скончыўся ўдала, мы перамаглі. Цяпер будуць выходныя, прапускаем наступны тур і далей будзем рыхтавацца да «Слуцка».
– Трыбуны былі практычна цалкам запоўненыя. Ацані падтрымку балельшчыкаў.
– Пры такой падтрымцы заўсёды крута гуляць. Мазыр – футбольны горад. Футбол тут любяць. Асабліва прыемна, што трыбуны працягнулі гнаць каманду наперад нават, калі прапусцілі і «Іслач» зраўняла. Заўзятары верылі, што мы выйграем. У выніку забілі другі гол і перамаглі.
– Па выніках 22 тураў «Славія» паднялася на трэцяе месца ў турнірнай табліцы. Ці з'яўляецца мэтай на сезон заняць прызавое месца ці ўсё ж такі задачы ставяцца ад гульні да гульні?
– Гучных слоў казаць не буду. Мы ідзем ад матчу да матчу. Бліжэй да канца чэмпіянату будзем глядзець, што будзе далей, – сказаў Сідарэнка.
