Краўцоў – пра святкаванне гола «Шахцёру»: «Уявіў, быццам я – гэта Кавалевіч, які лае гульцоў «Нёмана»
Нападаючы «Нёмана» Максім Краўцоў патлумачыў сваё святкаванне гола «Шахцёру» (5:2) у перанесеным матчы 17-га тура чэмпіянату Беларусі.
– Які вам даваў наказ Ігар Кавалевіч перад выхадам на замену?
– Папрасіў навязаць больш барацьбы наперадзе і быць нацэленым на вароты. Такой устаноўкі, каб забіў гол, не было. Але зразумела, што калі я выходжу цэнтральным нападаючым, то трэба прыкласці максімум намаганняў і пастарацца вызначыцца.
– Пасля свайго гола вы адабралі кепку ў галоўнага трэнера. Што гэта было?
– Гэта неяк спантанна выйшла. Рабяты хацелі арыгінальна адсвяткаваць. Думалі яшчэ пінжак на мяне накінуць, але атрымалася толькі кепку. Ха, наступным разам будзе і пінжак.
– А што азначаюць вашыя жэсты рукой?
– Уявіў, быццам я – гэта Ігар Мікалаевіч, які нас лае.
– Гэта значыць, ён часта гэта робіць?
– Ну, не. Вядома, часам лае, але часцей усё ж падбадзёрвае, дапамагае, – сказаў Краўцоў.
