«Барселона» незадаволена тым, як матчы каманды асвятляюцца на тэлебачанні
Кіраўніцтва «Барселоны» перакананае, што транслятары матчаў чэмпіянату Іспаніі неаб'ектыўна высвечваюць гульні каманды, паведамляе Diario Sport.
Напрыклад, калі Хаві пачынае рабіць нейкія заўвагі арбітру, то аператары спрабуюць максімальна зняць гэты момант.
У той жа час калі такое асабліва бурна робяць трэнеры сапернікаў, напрыклад, Хасэ Бардалас або Пака Лопес, то гэта можа не паказвацца наогул.
Іншы прыклад – магчымы пенальці на Андрэасе Крыстэнсэне ў матчы з «Гранадай», паўтор гэтага моманту быў паказаны толькі адзін раз.
У «Барсе» пачынаюць стамляцца ад такіх дробных дэталяў, паколькі лічаць, што гэта не выпадковасць. У сувязі з гэтым разглядаецца магчымасць адмовы ад зносін з транслятарам у перапынках у знак пратэсту, але пакуль клуб не будзе звяртацца да такога кроку.