Тэхдырэктар федэрацыі футбола Румыніі пра 0:0 з Беларуссю: «Не ўдалося давесці справу да канца – не хапіла завяршальнай рыскі»

«Што, гэты вынік выводзіць нас з кваліфікацыйнай гонкі? Мне здаецца, што нашыя футбалісты правялі добрую гульню, яны дамінавалі ад пачатку і да канца. У іх была пара небяспечных контратак, гэтага трэба было чакаць.

На жаль, нам не ўдалося давесці справу да канца. Колькі разоў мы выводзілі мяч да брамы, але так і не забілі яго. Відавочна, што нам не хапіла завяршальнай рыскі. Мы страцілі два ачкі? Як хочаце, але я лічу, што мы набралі адно ачко.

Пачалася крытыка? Гэта наш шлях! Дачакаемся гульні ў Андоры і тады пагаворым. У нас яшчэ ёсць адна гульня, і я не хацеў бы псіхалагічна разбураць гульцоў. Вельмі важна выйграць гэтую гульню, а потым паглядзім, што будзе далей.

Мне спадабаліся ўсе гульцы, я бачыў іх пакуты на полі і жаданне перамагчы. Тое, што яны не змаглі, гэта ўжо іншая справа. Але яны прынеслі вялізную ахвяру. Яны аддалі ўсё, што маглі, і я хацеў бы іх павіншаваць», – сказаў Стойкіцэ.