Ілля Руцкі: «Міжнародныя матчы – шанец паказаць сябе, каб у далейшым разлічваць на пераезд у замежны чэмпіянат»

Гулец «Славіі» Ілля Руцкі пракаментаваў матч зборнай чэмпіянату Беларусі супраць «Урала» (1:2).

– Цікавы матч двух добрых каманд, з двухбаковавострымі момантамі. Мы стараліся паказваць добры футбол і не адыходзіць ад сваёй гульні. Добра, што Федэрацыя арганізавала гэтую сустрэчу і мы атрымалі міжнародны вопыт.

Каманда супернікаў больш дасведчаная ў параўнанні з нашымі, беларускімі, калектывамі. Усё ж такі» Урал « – гэта стабільны клуб РПЛ, які можа разлічваць на высокія пазіцыі. Супраць іх цяжэй, але яны і даюць гуляць, і самі гуляюць.

– Твой аднаклубнік Аляксей Іваноў у інтэрв'ю сказаў, што прысутнасць Руцкага на полі дапамагла яму хутчэй адаптавацца ў гульні і лепш сябе паказаць. А ці паўплывала на цябе нейкім чынам тое, што ў зборнай ты гуляў з партнёрам па клубе Івановым?

– Безумоўна, з Аляксеем заўсёды камфортна гуляць. Гэта шмат у чым надало больш упэўненасці. Ды і з астатнімі хлопцамі за гэтыя два дні добра пазнаёміліся і пагутарылі, таму хвалявання і перажыванні на рахунак матчу не было.

– Ці можна сказаць, што склад зборнай вышэйшай лігі зʼяўляецца альтэрнатыўным для выкліку ў нацыянальную зборную Беларусі? І ці могуць гэтыя футбалісты, у тым ліку і ты, разлічваць на выклік у зборную пад кіраўніцтвам Карласа Алоса?

– Думаю, так, папросту. Сабралася шмат дыхтоўных футбалістаў, якія займаюць лідаруючыя пазіцыі ў сваіх клубах. У кожнага ёсць шанец, чаму б і не.

– Ці трэба ў далейшым праводзіць падобныя матчы паміж зборнымі альбо клубамі з іншых краін?

– Упэўнены, што гэта важна і трэба. Мы ўсе, як той казаў, плывём у адной лодцы і ўвесь сезон гуляем паміж сабой. А міжнародныя матчы – гэта той самы шанец паказаць сябе для таго, каб павышаць свой узровень і ў далейшым разлічваць на пераезд у замежны Чэмпіянат, – сказаў Руцкі.