Карагер пра сімуляцыю гульцамі АПЛ траўм галавы дзеля спынення гульні: «Гэтаму трэба пакласці канец»

Былы абаронца «Ліверпуля» Джэймі Карагер раскрытыкаваў паводзіны гульцоў АПЛ, якія сімулююць траўмы дзеля зрыву нападу супернікаў.

У якасці прыкладу Джэймі прывёў эпізод з матча 9-га тура паміж «Астан Вілай» і «Вест Хэмам» (4:1), у якім хаўбек гаспадароў Нікола Дзаніёла ўпаў, схапіўшыся за галаву пасля страты мяча на сваёй палове поля ў выніку падкату суперніка. Суддзя Дэвід Кут, паводле рэкамендацый, у гэты момант спыніў гульню.

«З мяне дастаткова. Гульцы сімулююць траўмы галавы. Арбітр можа не ведаць пра гэта, але ён бачыў адзінаборства і ведае, што нічога страшнага не адбылося.

Гэта псуе гульню. Гульцы падаюць, калі разумеюць, што страта мяча можа прывесці да небяспечнай сітуацыі, ведаючы, што суддзя павінен свіснуць. Гэта нонсэнс.

Гэтаму трэба пакласці канец, гэта здараецца занадта часта. Гэта было ўведзена, каб дапамагчы гульцам, але зараз яны злоўжываюць гэтым. Праз пяць хвілін з Дзаніёла ўжо ўсё было добра», – сказаў Карагер у эфіры Sky Sports.