Amazon здымае дакументальны фільм пра кар'еру Томаса Мюлера
Нападаючы «Баварыі» Томас Мюлер паведаміў, што кампанія Amazon здымае дакументальны фільм пра яго кар'еру.
«Футбольны досвед часам піша неверагодныя гісторыі.
З чаго ўсё пачыналася, тытулы, расчараванні – у бліжэйшыя месяцы вы ўбачыце гэта ў маім дакументальным фільме», – напісаў 34-гадовы немец.
Нагадаем, Томас – выхаванец мюнхенскага клуба. Яго дэбют адбыўся ў жніўні 2008 года, у матчы чэмпіянату Германіі супраць «Гамбурга» (2:2).
З таго часу ён вызначыўся 237 галамі і 261 рэзультатыўнай перадачай у 677 матчах. Разам з камандай ён 12 разоў выйграў Бундэслігу, 2 разы Лігу чэмпіёнаў, 6 разоў кубак краіны і 8 разоў суперкубак.
За зборную Мюлер дэбютаваў у сакавіку 2010-га – на яго ліку 45 галоў і 45 галявых перадач у 125 матчах. У 2014-м выйграў чэмпіянат свету ў Бразіліі.
