Эрмоса пра падтрымку ад футбалістаў-мужчын у сітуацыі з Рубіялесам: «Яна бы вельмі дапамагла мне»

Дзеючая чэмпіёнка свету ў складзе зборнай Іспаніі Джэніфер Эрмоса расказала, што хацела б бачыць больш падтрымкі ад гульцоў-мужчын пасля скандалу з пацалункам ад Луіса Рубіялеса.

«Я разумею, што кожны думае так, як хоча, і я таксама хацела б мець магчымасць засяродзіцца толькі на сваім відзе спорту. Але калі вы бачыце несправядлівыя сітуацыі, то павінны быць на адным ці іншым баку.

Людзі будуць мяне ненавідзець ці любіць, але я маю свой лад мыслення, і я не супраць сказаць гэта адкрыта: я не ведаю, зрабіла б іх (футбалістаў-мужчын – заўв.) падтрымка сітуацыю прасцей, але яна, вядома, вельмі дапамагла б мне», – сказала Эрмоса.

Нагадаем, падчас цырымоніі ўзнагароджання жаночага ЧС прэзідэнт Каралеўскай федэрацыі футбола Іспаніі Луіс Рубіялес без дазволу пацалаваў Эрмоса.

Пасля гэтага Рубіялес падвергся публічнай крытыцы, яго маці нават аб'явіла галадоўку. У выніку Луіса звольнілі з пасады і адхілілі ад футбола на 3 гады.