Малькевіч пра бесперспектыўнае становішча зборнай у кваліфікацыі Еўра: «Расчараванне, едзем з думкамі перамагчы і падрыхтуецца да Лігі Нацый»

Абаронца зборнай Беларусі Уладзіслаў Малькевіч пракаментаваў бесперспектыўнае становішча каманды ў кваліфікацыі Еўра-2024 напярэдадні матчаў са зборнымі Андоры і Косава.

«Ёсць расчараванне. Але мы не так часта выйграем, таму паедзем на дзве астатнія гульні з думкамі перамагчы. І гэта будзе добрая магчымасць падрыхтавацца да наступных гульняў.

Цяпер стварылася добрая атмасфера ў зборнай, з’явілася ўпэўненасць. Гэта самае галоўнае.

Увесну нас чакаюць гульні Лігі Нацый, дзе ўсё пачнецца з чыстага ліста. І рыхтавацца да гэтага турніру трэба ўжо зараз», – сказаў Малькевіч.