Маўрынью пра Сары: «Розніца паміж трэнерам, які здабыў 26 трафеяў, і тым, які не выйграў амаль нічога, – у менталітэце»

Пасля перамогі над «Феенаордам» галоўны трэнер «Лацыа» Маўрыцыа Сары назваў наступны матч «Ромы» ў Лізе Еўропы «таварыскім», а паядынак сваёй каманды ў Лізе чэмпіёнаў параўнаў з «сапраўднай бітвай».

На прэс-канферэнцыі перад сённяшняй гульнёй са «Славіяй» Жазэ Маўрынью адказаў коучу «арлоў»:

«Наступны матч для мяне заўсёды самы вялікі ў жыцці. З таго часу, як я стаў прафесійным трэнерам, я прытрымліваюся гэтага прынцыпу.

Думаю, што калі нехта і павінен крыўдзіцца на каментар Сары, то гэта «Славія», а не я. Ён быццам сказаў, што «Славія» няякасная каманда. Я заўсёды паважаю сваіх супернікаў. Магчыма, у гэтым і заключаецца розніца паміж трэнерам, які атрымаў 26 трафеяў, і трэнерам, які амаль нічога не выйграў, – у такім менталітэце.

Да кожнага матчу трэба ставіцца сур'ёзна, таварыскіх матчаў не бывае», – сказаў Маўрынью.

Ужо ў нядзелю, 12 лістапада, каманды «Рома» і «Лацыа» згуляюць паміж сабой дэрбі сталіцы Італіі.