Мікалай Вайцюхоўскі: «Макслайн» прапануе гульцам «Віцебску» ўмовы з павелічэннем заробку ў 3-4 разы. Гэта турбуе»
Дырэктар «Віцебску» (Д2) Мікалай Вайцюхоўскі выказаў незадаволенасць прапановамі «Макслайна» (Д2) да гульцоў каманды.
– Што сёння вас турбуе? Усе гульцы здаровыя? Як каманда гатова да фінішнага адрэзку?
– На мой погляд каманда добра гатовая, усе хлопцы хочуць скончыць сезон выхадам у вышэйшую лігу. Усе здаровыя, Дзмітрый Гушчанка, які перанёс аперацыю, таксама знаходзіцца ў заяўцы і ў трэнера ёсць выбар па варатарах.
Што турбуе? Турбуе некаторы ўплыў на гульцоў звонку. «Макслайн» плануюць стаць больш віцебскімі, запрасіўшы мясцовых рабят, але гэтыя мясцовыя хлопцы нашы гульцы з дзеючымі кантрактамі.
Рабятам прапануюць умовы з павелічэннем зарплаты ў тры-чатыры разы і некаторыя юныя галовы пасля гэтага не могуць засяродзіцца на футболе.
Магчыма нашы футбалісты і заслужылі больш выгадных прапаноў, але ёсць пэўныя футбольныя, этычныя нормы такіх перамоваў.
Ад нас футбалісты пераходзілі ў БАТЭ, «Шахцёр», «Дынама» Брэст, – заўсёды ўсё праходзіла цывілізавана, з узаемапавагай. Заўсёды ў такіх выпадках спачатку звярталіся ў клуб. Няхай гэта застанецца на сумленні вядучых перамовы з нашымі гульцамі, мы гэта перажывем, – сказаў Вайцюхоўскі.