Мадзары падпісаў з «Напалі» 7-месячны кантракт, таму што Дэ Лаўрэнціс далей спрабуе дамовіцца з Контэ
Прэзідэнт «Напалі» Аўрэліё Дэ Лаурэнціс не адмовіўся ад ідэі запрасіць Антоніа Контэ на пасаду галоўнага трэнера.
Паводле інфармацыі Паскуале Гуара, менавіта з гэтым звязана запрашэнне Вальтэра Мадзары на 7-месячны тэрмін.
54-гадовы спецыяліст раней ужо адмовіўся ўзначаліць клуб падчас гэтага сезона, але бакі працягваюць кантакты з прыцэлам на наступны.
Нагадаем, учора «партэнапеі» абвясцілі аб адстаўцы Рудзі Гарсіі і прызначэнні Мадзары да канца сезона.
Пад кіраўніцтвам Гарсіі дзейны чэмпіён Італіі згуляў 16 афіцыйных матчаў, у якіх атрымаў 8 перамог, 4 разы прайграў і 4 разы згуляў унічыю. Каманда знаходзіцца на 4-й пазіцыі ў Серыі А.
Мадзары ўжо трэніраваў «Напалі» - з 2009-га па 2013 год, ён выйграў з камандай Кубак Італіі. Апошнім яго клубам быў «Кальяры».
