Карла Анчалоці: «Прайшло 30 гадоў, а я да гэтага часу ў футболе – значыць, добра адаптаваўся да перамен»
Галоўны трэнер «Рэала» Карла Анчалоці падзяліўся думкамі пра эвалюцыю футбола.
«Футбол змяніўся, мяняецца і будзе мяняцца. Інтэнсіўнасць, правілы, трэніроўкі, методыка. Гэта ўжо не той від спорту, які быў у 90-х, калі мы гулялі. Футбалісты зараз больш прафесіяналы, чым раней.
Прайшло 30 гадоў, а я да гэтага часу ў футболе – значыць, добра адаптаваўся да перамен. Тэхналогіі змянілі нашае жыццё.
Мой трэнерскі штаб кажа, што я олдскульны. Мне падабаюцца тэхналогіі – стараюся, каб яны дапамагалі мне ў працы.
Вам патрэбныя разумныя футбалісты і клуб, які падтрымлівае вас. Аддаю перавагу спрабаваць пераканаць, чым навязваць», – сказаў Анчалоці.
«Рэал» знаходзіцца на 2-й пазіцыі ў Ла Лізе. Наступны матч – 26 лістапада супраць «Кадыса» на выездзе, каляндар тут.
