Карлас Алос: «Рызыкнулі, але зборнай Беларусi патрэбныя былі тры ачкі з Андорай»
Галоўны трэнер зборнай Беларусі Карлас Алос пракаментаваў перамогу над Андорай (1:0) у кваліфікацыі Еўра.
– Што ў хлопцаў атрымалася, што не атрымалася?
– Добра, мы ведаем, што другі матч з Андорай не лёгкі. Я хачу сказаць, што я незадаволены першым таймам. Мы нядосыць гулялі інтэнсіўна, нядосыць гулялі агрэсіўна.
І часам рабілі два-тры лішніх дотыкаў перад тым, як аддаць пас. Я быў вельмі незадаволены, я сказаў гэта хлопцам у распранальні пра гэта.
Другі тайм быў лепш, мы пачалі гуляць хутчэй. У нас сталі з’яўляюцца моманты.
І вы бачыце, што ў канцоўцы мы выпусцілі фактычна пяць гульцоў у напад. Гэта значыць, у нас гуляў Бахар, Скавыш, Лапцеў, Канцавы, Антылеўскі. Усе яны сканчвалі матч.
Мы рызыкнулі, але нам патрэбны былі гэтыя тры ачкі, і мы здолелі іх здабыць і здолелі забіць гол.
– У абарончай фазе андорцы перабудоўваліся 5-4-1. Гэта ўвогуле вельмі цяжка ўзломваць. Ці з-за гэтага мы пачалі больш гуляць флангамі? Бо першы тайм больш у цэнтры гулялі, а потым пачалі больш закідваць з флангаў, з цэнтра?
– Так, пагаджуся з вамі, як вы дакладна прымецілі. У нас план, насамрэч, на гульню быў такі, каб выкарыстоўваць флангі. У нас было два гульцы ў цэнтры, адзін гуляў крыху ніжэй. Але справа не ў фармацыі, справа ў тым, што мы недастаткова хутка гулялі.
Гэта значыць, план быў менавіта такі, каб насыціць цэнтр, але мяч, каб дастаўляць на фланг, адтуль рабіць нейкія абвастраючыя дзеянні. Як я ўжо сказаў, у першым тайме гэта не ўдалося, але ў другім тайме з выхадам Канцавога і Бахара мы зайгралі лепш на краях і стала з’яўляцца больш момантаў, – сказаў Алос.
