Аляксей Мяркулаў: «Пры ліку 2:2 думалі найперш пра тое, як перамагчы «Іслач»
Галоўны трэнер «Энергетыка-БДУ» пракаментаваў паражэнне ад «Іслачы» (2:3).
– Гульня атрымалася. Абсалютна правільным было рашэнне перанесці сустрэчу на» сінтэтыку«, таму што, улічваючы ўмовы надвор'я, на натуральным газоне было б складаней. Матч склаўся так, як склаўся. Памылкі былі, ёсць і будуць, аднак вялікіх прэтэнзіяў да хлопцаў няма. Рыхтуемся да апошняга тура.
– У апошнім туры спаборнік – «Славія». Ці магчыма набраць тры ачкі? Як будзеце наладжваць каманду?
– Нам усё роўна, з кім гуляць. Неабходна рыхтавацца і набіраць ачкі.
– Што сказалі сваім футбалістам адразу пасля заканчэння матчу?
– Падзякаваў за самааддачу. У нас вельмі шмат маладых хлопцаў, якія першы год гуляюць у вышэйшай лізе. Яшчэ раз скажу, што памылкі здараюцца, але заўсёды трэба выходзіць і аддавацца футболу. Тады вынік прыйдзе.
– Якая атмасфера ў распранальні?
– Рабочая.
– Умовы надворʼя неяк паўплывалі на ход сустрэчы?
– Зразумела, што ў футбол лепш гуляць, калі на вуліцы 25 градусаў цяпла, добры газон. Але ў нас такі клімат, што і не добра і не дрэнна. Усе ведаюць, што ў лістападзе можа выпасці снег. Аднак лічу, што надворʼе не перашкодзіла камандам паказаць добры футбол.
– Прапануй вам нічыю ў моманце, калі «Іслач» зраўняла лік, пагадзіліся б?
– Пытанне на засыпку. Зразумела, седзячы тут і ведаючы, што мы прайгралі... але пры ліку 2:2 думалі перш за ўсё пра тое, як перамагчы, – сказаў Мяркулаў.