Вадзім Скрыпчанка: «Сустрэнемся з кіраўніцтвам менскага «Дынама». Ёсць зацікаўленасць у тым, каб працягнуць супрацоўніцтва».

Галоўны трэнер мінскага «Дынама» Вадзім Скрыпчанка расказаў аб перспектывах працягу кар'еры ў клубе.

– Цяпер не буду казаць аб тым, якія ў нас далейшыя перспектывы, трэба проста парадавацца поспеху. У нас яшчэ ёсць апошняя гульня з «Тарпеда-БелАЗ», якая будзе мець вырашальнае значэнне для размеркавання месцаў у барацьбе за бронзу, таму ў нас будзе поўная канцэнтрацыя і выкладка, як належыць. Зразумела, што мы крыху парадуемся, і пачнем рыхтавацца да гэтай гульні.

Пасля заканчэння сезона сустрэнемся з кіраўніцтвам, пагаворым. Ужо ёсць зацікаўленасць у тым, каб прадоўжыць супрацоўніцтва, у мяне таксама станоўчае меркаванне ў гэтых адносінах, хацелася б удасканаліць каманду, палепшыць яе гульню, дабіцца поспехаў на ўнутранай арэне і гуляць у групавых стадыях еўракубкаў, імкнуцца туды.

Праца чакаецца сур'ёзная, усё ў нашых сілах, цяпер ёсць станоўчы зрух у гульні нацыянальнай зборнай, таму з гэтага пазітыўнага пункту гледжання трэба і павышаць узровень нашага клубнага футбола на еўрапейскай арэне, – сказаў Скрыпчанка.