Данііл Зорын: «Яшчэ да паўзы на матчы зборных было адчуванне, што золата ўжо зусім побач»
Расейскі паўабаронца мiнскага «Дынама» Данііл Зорын распавёў аб выступе за каманду.
– Прадчуванне ў камандзе было даўно. Яшчэ да паўзы на матчы зборных было адчуванне, што золата ўжо зусім побач. І ўчора пасля перамогі 4:0 над «Белшынай» мы нарэшце адчулі гэтую радасць!
– «Дынама» чакала гэтага дня яшчэ даўжэй, чым «Спартак» пасля 2001 года. У 2017-м табе было 13 гадоў. Якія ўспаміны засталіся ад таго посьпеху чырвона-белых?
– Я быў на легендарным матчы з «Церакам», калі заўзятары выбеглі на поле пасля фінальнага свістка, разабралі вароты і сеткі на сувеніры. Вядома, маштаб зусім іншы. Але агульнага шмат: і тады, і зараз клубы з вялікай гісторыяй вярнулі сабе тытул чэмпіёна краіны.
– Раскажы, што далі табе гэтыя месяцы, акрамя залатога медаля.
– Я правёў гэты час дастаткова прадуктыўна. Стаў лепш як гулец, сталей у жыццёвым плане. Так што арэнда ў «Дынама» прынесла мне шмат карысці.
– У цябе выдатная статыстыка: сем галоў і дзве вынiковыя перадачы ў 10 матчах. Чакаў, што атрымаецца так паспяхова паўнавартасна дэбютаваць у дарослым футболе?
– Гэта і праўда можна назваць дэбютам, бо за аснову «Спартака» я правёў зусім няшмат матчаў. Калі пераходзіў у «Дынама», хацеў атрымаць як мага больш практыкі, праявіць сябе з лепшага боку. Забіваць і асіставаць, вядома, таксама выдатна. Але тое, што дапамог камандзе заняць першае месца, яшчэ прыемней.
– Пасля адпачынку ты вернешся ў «Спартак». Чаго чакаеш ад зімовых збораў?
– Буду даказваць сваю футбольную заможнасць на кожнай трэніроўцы, як і было да гэтага. Калі мяне вырашылі аддаць у арэнду - значыць, на думку трэнерскага штаба, я яшчэ не быў гатовы прыносіць дастаткова карысці камандзе. І цяпер хачу выкарыстаць атрыманы ў Мiнску досвед, каб замацавацца ў «Спартаку», – сказаў Зорын.
