Кіраўнік БФСТ «Дынама» Абярэмка: «Сілавікі» атрымалі вялізнае задавальненне ад перамогі ў ЧБ. Цяпер час перажываць за хакейнае «Дынама»

Кіраўнік БФСТ «Дынама» Ігар Абярэмка падчас узнагароджання мінскага «Дынама» залатымі медалямі ЧБ-2023 па футболе нагадаў, хто заўзее за каманду.

– Нізкі паклон асноўнай камандзе. Вы не ўяўляеце, якое велізарнае задавальненне вы даставілі нашым заўзятарам і ўсёй дынамаўскай сям'і.

Усіх заўзятараў нашых перапаўняюць пачуцці, усіх, хто ўваходзіць у сістэму «Дынама», перапаўняюць пачуцці. У таварыства «Дынама» уваходзяць 10 дзяржаўных органаў «сілавікоў» – гэта таксама вашы заўзятары, яны за вас заўзеюць, хвалююцца. Вы ім даставілі вялiзнае маральнае, псіхалагічнае задавальненне ад гэтай перамогі. У наступным сезоне мы годна выступім – у гэтым проста ўпэўнены. Спадзяюся на вас. Вельмі моцна ўдзячны.

У нашай сям'і таксама ёсць і прадстаўнікі іншых гульнявых відаў спорту. Не трэба забывацца на хакейнае «Дынама». Яны таксама за вас хвалююцца. Цяпер прыйшоў час перажываць і за іх. Спадзяюся, у КХЛ наш клуб выступіць з годнасцю, мы ўсе будзем яго падтрымліваць і перажываць, – сказаў Абярэмка.