«Ман Сіці», «Рэал», «Чэлсі», «ПСЖ», «Бенфіка» і яшчэ 3 еўрапейскіх клуба гарантавалі ўдзел у абноўленым клубным ЧС-2025
ФІФА прадставіла рэгламент абноўленага клубнага ЧС-2025.
Яго правядуць у ЗША з 15 чэрвеня па 13 ліпеня, удзел прымуць 32 клубы. 12 з Еўропы, 6 – з Паўднёвай Амерыкі, па 4 – з Азіі, Афрыкі і КОНКАКАФ, 1 – з Акіяніі.
ФІФА зацвердзіла сістэму адбору каманд на турнір і наступныя. Яна абапіраецца на міжнародныя клубныя спаборніцтвы ўнутры кожнай канфедэрацыі.
Для еўрапейскіх каманд зафіксавалі, што яны будуць атрымліваць па 2 ачкі за кожную перамогу ў матчы Лігі чэмпіёнаў і па 1 ачку – за нічыю. За выхад у групавы этап ЛЧ будуць атрымліваць 4 ачкі, за траплянне ў 1/8 фіналу – 5 ачкоў, за пераход у кожную наступную стадыю турніру – па 1 ачку.
Для прадстаўнікоў іншых канфедэрацый – 3 ачкі за перамогу, 1 ачко за нічыю, 3 ачкі за выхад на кожны наступны турнір.
На аснове зацверджаных прынцыпаў допуску і вынікаў адпаведных кантынентальных клубных спаборніцтваў гарантавалі ўжо ўдзел 19 з 32 клубаў.
Еўропа: «Чэлсі», «Рэал», «Манчэстэр Сіці», «Баварыя», «ПСЖ», «Інтэр», «Порту», «Бенфіка»
Паўднёвая Амерыка: «Палмейрас», «Фламенго», «Флуміненсе»
Азія: «Аль-Хіляль», «Урава Рэд Дайманд»
Афрыка: «Аль-Ахлі» Каір, «Відад»
КОНКАКАФ: «Мантэрэй», «Сіэтл Саўндэрс», «Леон»
Акіянія: «Окленд Сіці»
