Кейн і Мбапэ забілі па 52 галы ў 2023 годзе, у Холанда і Раналду па 50, але па 3 матчы ў запасе

Форвард «Баварыі» Хары Кейн адзначыўся голам у матчы 16-га тура Бундэслігі супраць «Вольфсбурга» (2:1), а нападаючы «ПСЖ» Кіліян Мбапэ аформіў дубль у гульні 17-га тура Лігі 1 супраць «Метца» (3:1).

Абодва футбалісты забілі па 52 галы ў 2023 годзе, каманды абодвух правялі заключныя матчы ў каляндарным годзе.

У нападаючага «Манчэстэр Сіці» Эрлінга Холанда і форварда «Аль-Насра» Крышціяну Раналду па 50 забітых мячоў, але іх каманды ў 2023 годзе правядуць яшчэ па тры матчы.

«Манчэстэр Сіці» згуляе з «Флуміненсе» ў фінале клубнага чэмпіянату свету і з «Эвертанам» і «Шэфілд Юнайтэд» у АПЛ.

Раналду яшчэ можа стаць самым выніковым гульцом года ў матчах за зборную і клуб у сустрэчах чэмпіянату Саудаўскай Аравіі супраць «Аль-Этыфака», «Аль-Ітыхада» і «Аль-Таавуна».