«Арандзіна», з якой «Рэал» будзе гуляць у кубку, даслала ў мадрыдскі клуб спіс са сваімі гульцамі, дзе кожны ўказаў, з кім хоча абмяняцца футболкамі

«Арандзіна», з якой «Рэал» будзе гуляць у Кубку Іспаніі, даслала ў мадрыдскі клуб спіс са сваімі гульцамі, дзе кожны ўказаў, з кім хоча абмяняцца футболкамі пасля матча, паведамляе Marca.

Самай папулярнай з'яўляецца футболка Лукі Модрыча, якую хочуць атрымаць адразу 9 футбалістаў.

Далей ідуць Джуд Белінгем (3), Тоні Кроас (2), Радрыга (2), Вінісіус Жуніяр (1), Нача Фернандэс (1), Цібо Куртуа (1) і Кепа Арысабалага (1).

Іспанская газета адзначае, што такая практыка – норма, калі маленькія каманды сустракаюцца з вялікімі.

Сам матч 1/16 фіналу адбудзецца 6 студзеня ў 23:30 на дамашнім полі «Арандзіны».