Марсьяль хоча змагацца за месца ў складзе «МЮ» – ён адхіліў прапановы «Марселя», «Фенербахчэ» і саудаўскіх клубаў.

Нападаючы «Манчэстэр Юнайтэд» Антоні Марсьяль не пакіне каманду ў зімовае трансфернае акно, паведамляе Sky Sports.

Паводле інфармацыі крыніцы, 28-гадовы француз адхіліў прапановы «Марселя», «Фенербахчэ» і некалькіх клубаў з Саудаўскай Аравіі. Ён мае намер змагацца за месца ў аснове «манкуніянцаў».

Нядаўна «Манчэстэр Юнайтэд» правёў з Марсьялем і яго агентам гутарку наконт агульнай будучыні. Клуб не мае намеру актываваць опцыю падаўжэння кантракту яшчэ на сезон. Бягучая здзелка заканчваецца летам гэтага года.

У гэтым сезоне Марсьяль забіў 2 галы і аддаў 1 асіст у 19 матчах.

Трансфернае акно ў Англіі зачыніцца 1 лютага, усе пацверджаныя пераходы і чуткі АПЛ можна паглядзець тут.