Арцём Канцавы: «У ЧБ-2024 тыя ж фаварыты, што і былі: БАТЭ, мінскае «Дынама», Жодзіна і Гродна»
Футбаліст БАТЭ Арцём Канцавы расказаў аб сваіх чаканнях ад чэмпіянату Беларусі-2024.
– Якія клубы ты бачыш фаварытамі за залатыя медалі ў чэмпіянаце Беларусі?
– Хацелася б, каб гэта было БАТЭ ў любым выпадку. Пачакаем яшчэ некаторых трансфераў. Ну, Жодзіна, мусіць, мінскае «Дынама» у любым выпадку. Яны чэмпіёны, у іх склад плюс-мінус захоўваецца, думаю, яшчэ некага падпішуць. Я думаю, Жодзіна і Гродна яшчэ. Усё тыя ж фаварыты, як і былі, 4-5 клубаў. Толькі яны змагаюцца за высокія месцы.
– А якое тваё меркаванне з нагоды навічкоў чэмпіянату? Гэта «Арсенал» і «Дняпро»
– Пра «Арсенал» я не магу нічога сказаць. Я не ведаю ўнутранай кухні. А «Дняпро» – гэта мой родны клуб. Хацелася б, каб ён не быў клубам-ліфцёрам, як у апошнія гады гэта адбываецца. Хацелася б, каб ён замацаваўся і не тое, каб там нейкае 10-11-е месца, а бліжэй да пяцёркі, да шасцёркі занялі месца. Бо там такі горад, вельмі любіць футбол, 4-5 тысяч ходзіць на футбол. Хочацца, каб яны замацаваліся проста, – сказаў Канцавы.
