Рыбак пра стварэнне новага «Нафтана»: «Да кіраўнікоў прэтэнзій быць не можа, выконваецца амаль усё, што абяцаецца»

– Ці ўплываюць (і калі так, то як) падзеі, якія развярнуліся вакол «Нафтана» ў снежні, на жаданне футбалістаў адгукацца на вашы прапановы выступаць у Наваполацку?

– Адразу ж агучваем патэнцыйным гульцам нашы магчымасці. Падкрэсліваем, што клуб хоча развівацца, а каманда – заняць больш высокае месца ў параўнанні з папярэднім сезонам. Карацей, неабходна правільна выбудаваць працу. Не ведаю, што можа бянтэжыць, калі ты футбаліст і атрымліваеш запэўніванні, што калектыў будзе расці і ставіць задачы. У «Нафтане» кожны работнік хоча стварыць добрую арганізацыю. Ведаючы гэта, я як дзеючы спартсмен імкнуўся б у яе патрапіць. Натуральна, новы «Нафтан», па сутнасці, ствараецца з нуля – працы шмат. Але калі ты прыходзіш і яе выконваеш, калі такая занятасць табе ў радасць, нішто бянтэжыць не павінна. У нейкіх клубах за гады ўсе працэсы адладжаныя, інфраструктура створаная. У Наваполацку ж па гэтым шляху толькі трэба прайсці. І потым, калі ўжо зразумееш каштоўнасць праведзенай працы, усім тут стане прасцей. Людзям, якія ўцягнутыя ў працэс, кажу пра важнасць таго, што мы павінны зрабіць для футбола ў горадзе.

– Наколькі сур'ёзнай будзе падтрымка мясцовых уладаў і прадпрыемства «Нафтан» новаўтворанаму клубу?

– Зацікаўленасць вялікая. І я вельмі ўдзячны ўсім неабыякавым кіраўнікам горада і завода. Выконваецца амаль усё, што абяцаецца. Старанне кіраўнікоў адчуваецца, таму ніякіх прэтэнзій быць не можа. Да таго ж ёсць паразуменне. Маюць месца абмен ідэямі, якія дапаўняюць адзін аднаго, іх абмеркаванне. Нас, футбольных людзей, слухаюць, прымаюць пад увагу агучваныя прапановы. Бо сапраўды хочацца зрабіць многае. Калі ўсё наладзіць, то клуб будзе функцыянаваць дастаткова добра, як адзіны механізм. І вынік зʼявіцца, – сказаў Рыбак.