Паўлаў пасля 2:1 над мінскім «Дынама»: «Важна, што «Віцебск» перамагае – гэта дапамагае здабыць упэўненасць»

Галоўны трэнер «Віцебска» Аляксандр Паўлаў падвёў вынікі таварыскага матчу супраць мінскага «Дынама» (2:1) і падзяліўся меркаваннем аб падрыхтоўцы да сезона.

– Вельмі добра, што ў нас зараз з'яўляюцца супернікі з лідзіруючай тройкі чэмпіянату Беларусі, якія дазволяць хлопцам адчуць і інтэнсіўнасць гульні, і напал барацьбы.

Будуць яшчэ гульні з «Гомелем» і «Тарпеда». Дай бог яны за гэтыя пару матчаў супакояцца, разнявояцца. У гэтым сэнсе я б гэтую гульню адзначыў.

Крыху не падабаецца, што мы часта без мяча працуем, але што да абароны, то плюс-мінус мы ўсё выканалі. Вельмі важна, што каманда перамагае – гэта дапамагае хлопцам здабыць упэўненасць у сваіх сілах.

– Навумаў з Гірсам адсутнічалі, з чым гэта звязана?

– Там розныя прычыны: невялікія пашкоджанні, хваробы. Цяпер выпадае кожны дзень па чалавеку.

– А як у рабят з адаптацыяй?

– Калі з Навумавым пра адаптацыю няма чаго і размаўляць, то Дзіма пакуль прыглядаецца да каманды і паціху набірае кандыцыі.

– Праз месяц першыя афіцыйныя сустрэчы з «Іслаччу», а пасля пачатак чэмпіянату. Якім бачыце сезон?

– Вядома, пакуль рана казаць пра гэта, але давайце разбяромся з тым, што я сказаў раней. Вельмі добра, што зараз мы гуляем супраць флагманаў нашага футбола, на фоне якіх мы можам рэальна ацаніць тое, на што мы будзем прэтэндаваць, – сказаў Паўлаў.