Хабі Алонса: «Чуткі пра «Баварыю» – не праблема для мяне»
Галоўны трэнер «Баера» Хабі Алонса пракаментаваў інфармацыю аб тым, што яго бачаць галоўным кандыдатам на замену Томасу Тухелю ў «Баварыі».
«Гэта не праблема для мяне. Так, гэта наш галоўны супернік, але падобныя чуткі мяне не адцягваюць.
Я ведаю, што мая мэта – дабіцца поспеху са сваім клубам. Гэта мая праца. Цяпер у нас добрая пазіцыя, і мы хочам працягваць у такім жа тэмпе.
Гэта нармальна, што задаюць такія пытанні, але мне гэта не перашкаджае», – сказаў Алонса.
«Баер» лідзіруе ў Бундэслізе, апярэджваючы мюнхенцаў на 8 ачкоў. Вынікі і каляндар матчаў леверкузенскай каманды – тут.
Нагадаем, 21 лютага, Баварыя паведаміла, што летам датэрмінова скасуе кантракт з Тухелем.
Таксама раней паведамлялася, што Хабі Алонса – прыярытэтны варыянт для замены Клоппа ў «Ліверпулі».