Гулец «Славіі» Залескі: «Калі трошкі ўключаць галаву, прыслухоўвацца, што ад цябе патрабуе Біёнчык, то нічога складанага няма»
Абаронца «Славіі» Андрэй Залескі распавёў пра працу з Іванам Біёнчыкам.
– Вы прынялі рашэнне застацца ў Славіі, знайшлі свайго трэнера, знайшлі сваю каманду. Ці можна так казаць?
– Ну так, прыняў такое рашэнне і супала ў шмат фактараў. Так, мне спадабалася праца з Іванам Сяргеевічам. У прынцыпе, ва мне былі зацікаўлены ў клубе, таму дастаткова хутка я прыняў гэтае рашэнне. Магчыма, недзе я хацеў паспрабаваць яшчэ нейкія свае сілы за мяжой, але склалася так, і я гэтаму рады.
– Калі збоку назіраць за футболам, які прапануе Іван Біёнчык, у многіх меркаванне складваецца, што гэта складаны футбол. Вось як вы ўспрымаеце гэтую мадэль гульні?
– Ну, я думаю, што для любога футбаліста патрэбен нейкі перыяд для адаптацыі. Я думаю, што футбол у нас для кагосьці можа здавацца складаным, для кагосьці – не. Але папрацаваўшы тут, атрымліваецца, ужо другі год, настолькі ўсё тлумачыцца, даносіцца, што калі крышку ўключаць галаву, прыслухоўвацца і выконваць старанна, што ад цябе патрабуецца, то нічога складанага, каб у гэтым разабрацца, няма.
– Скажыце, вось вы адчуваеце, што развіліся за гэты час?
– Ну, я спадзяюся, што так. Я не вельмі люблю сабе даваць нейкія каментарыі, характарыстыкі. Але ў плане разумення, магчыма, у плане нейкіх тактычных нюансаў, я думаю, так. Я для сябе дастаткова многа запазычыў, – сказаў Залескі.
