«Баварыя» паспрабуе запрасіць Дэ Дзербі, калі будзе няўдача з Алонса

Асноўным запасным варыянтам для «Баварыі» на выпадак няўдалых перамоваў па прызначэнні коўча «Баера» Хабі Алонса з'яўляецца галоўны трэнер «Брайтана» Раберта Дэ Дзербі. Аб гэтым паведамляе Sport.es са спасылкай на Sky Germany.

Канкурэнтам у барацьбе за італьянца магла быць «Барселона», але яна не гатова плаціць адступныя ў памеры 10 мільёнаў еўра. «Баварыя» разглядае Дэ Дзербі, разумеючы, што дамовіцца з леверкузенцамі адносна Алонса будзе складана.

Адзначаецца, што цікавасць мюнхенцаў да Дэ Дзербі абумоўлена прызначэннем новага спартыўнага дырэктара Макса Эберля. Яму падабаецца, як коуч ставіць сваёй камандзе гульню ў нападзе, а таксама лічыць, што ў Бундэслізе гэты стыль можа быць эфектыўным.

«Баварыя» гатова выплаціць «Брайтану» кампенсацыю.