Серхіа Агуэра: «У мяне ёсць жаданне вярнуцца на поле»
Былы аргентынскі нападаючы Серхіа Агуэра, які ў снежні 2021-га быў вымушаны завяршыць кар'еру з-за праблем з сэрцам, заявіў, што хоча аднавіць выступленні.
«Два дні таму я правёў чарговае даследаванне. Усё прайшло вельмі добра. Цяпер я еду ў Мадрыд, Мексіку і ЗША на іншыя таварыскія турніры. Там я пагляджу, як у мяне справы, і працягну займацца.
У мяне ёсць энтузіязм і жаданне вярнуцца на поле. Я не хачу, каб людзі непакоіліся. Спачатку я хачу паправіцца і правесці некалькі турніраў, нават калі гэта будзе напружваць маё сэрца. Пасля я пагляджу, якое рашэнне прыняць. Жаданне заўсёды ёсць», – сказаў Агуэра.
Нагадаем, 35-гадовы форвард пачынаў карʼеру ў «Індэпенд'ентэ». Ён выступаў за каманду з 2003 па 2006 год, забіўшы 18 галоў у 36 матчах.
Пасля гэтага гуляў за «Атлетыка», «Манчэстэр Сіці» і «Барселону».
