У Германіі могуць забараніць выкарыстанне беспілотнікаў падчас Еўра-2024 з-за пагрозы тэрарыстычных нападаў

У Германіі разглядаюць магчымасць увесці забарону на выкарыстанне дронаў падчас чэмпіянату Еўропы 2024 года.

Да такога кроку могуць звярнуцца з-за таго, што беспілотнікі могуць быць скарыстаны для тэрарыстычных нападаў.

У прыватнасці, на неабходнасці забароны настойвае Андрэас Раскопф, кіраўнік Прафсаюза паліцыі Германіі:

«Беспілотнікі становяцца адной з самых вялікіх праблем. Хаця органы, якія адказваюць за бяспеку, тэхнічна гатовы да абароны ад беспілотнікаў, тэрарысты таксама ўзбройваюцца. Неабходна ўвесці поўную агульнанацыянальную забарону на палёты беспілотнікаў па ўсёй Германіі да, падчас і на невялікі перыяд часу пасля чэмпіянату Еўропы».

Турнір пройдзе з 14 чэрвеня да 14 ліпеня.