«Напалі» і Кварацхелія блізкія да падаўжэння кантракту – заробак грузіна павялічыцца ўтрая

Паводле інфармацыі крыніцы, «Напалі» гатовы прыкласці значныя намаганні, каб не рызыкаваць страціць і Асімхена, і Кварацхелію падчас аднаго трансфернага акна. Утрымаць нігерыйца будзе складана, у той час як падоўжыць дамову з грузінам рэальна. Для гэтага неапалітанскі клуб хоча павялічыць яго заробак: з цяперашніх 1,5 млн еўра да 4,5 млн еўра чыстымі за сезон.

Цяперашняя дамова Хвічы дзейнічае да 2027 года, новае пагадненне можа быць разлічана да 2028 ці 2029-га.

Таксама прэзідэнт «Напалі» Аўрэліё Дэ Лаурэнціс хоча ўсталяваць высокую клаўсулу на кантракт гульца.

У гэтым сезоне 23-гадовы грузін забіў 10 галоў і аддаў 5 асістаў у 37 матчах. Статыстыка тут. «Напалі» купіў яго ў «Дынама» Батумі летам 2022 года. Дэталі трансфернай гісторыі тут.