Міхаіл Залеўскі: «Запрашалі нас на працу не мэр горада, не дзяржаўныя ўлады, а тыя, хто павінен быў прыняць клуб у прыватнае валоданне»
Беларускі спартыўны дырэктар «Заглембэ» Сасновец (Польшча, Д2) Міхаіл Залеўскі ў інтэрв'ю Tribuna.com распавёў пра ўзаемаадносіны з кіраўніцтвам клубу.
«Працаваць пад ціскам, шчыра кажучы, нават у задавальненне. Пастаўленыя задачы вельмі матывуюць. Але вось што тычыцца кіравання клубам, адміністрацыі... умовы для працы ў плане інфраструктуры на высокім узроўні, але ўсё астатняе пакідае жадаць лепшага. ФК знаходзіцца ў дзяржаўным кіраванні, а мы ўваходзілі ў клуб, калі ён рыхтаваўся да пераходу ў прыватныя рукі. Запрашалі нас на працу не мэр горада, не дзяржаўныя ўлады, а тыя, хто павінен быў прыняць клуб у прыватнае валоданне. І мы прымалі ўсе ўмовы, усе задачы, хацелі дапамагчы камандзе застацца ў першай лізе. Мы працуем добрасумленна, але з боку клуба, дакладней, цяперашніх кіраўнікоў (а ФК пакуль не ў прыватных руках), нічога не выконваецца. І ці зменіцца ўладальнік у выніку, вялікая загадка», – сказаў Залеўскі.
