Руслан Цевераў: «Віцебск» ідзе ў правільным кірунку і з часам з'явіцца і вынік»

Нападнік «Віцебск» Руслан Цевераў пракаментаваў матч з «Арсеналам» (1:1).

– Руслан, як ацэніце гульню ў плане зместу і выніку?

– Вынік мог быць і лепшым, у нас было больш момантаў. У мяне былі добрыя шанцы, ды і ва ўсёй каманды. Я павінен быў забіваць, абавязаны былі выйграваць сёння. Трошкі і мая віна ў гэтым ёсць. Ну і не трошкі, а прыстойна.

– Чаму не ўдалося ўзяць тры ачкі?

– Не рэалізавалі свае моманты. Напэўна, поспех і майстэрства перашкодзілі.

– У мінулай гульні вялі ў ліку 2:0 і выпусцілі перамогу. Сёння нічыя. Чаму не ўдаецца завяршыць матч на мажорнай ноце?

– Па змесце гульні мы ніколі нікому не саступалі, проста трэба трохі прывыкнуць да гэтага тэмпу. Трэба паверыць у сябе. Але думаю, мы ідзем у правільным кірунку і з часам з'явіцца і вынік. Адназначна.

– «Віцебск» стартаваў у вышэйшай лізе пасля вяртання. Як ацэніце пачатак сезона для каманды?

– Ну пакуль, як бачыце, кепска. Але адаптуемся, стараемся, хочам выглядаць лепш. Будзем выціскаць з сябе ўсе сілы. Трэнеры ў нас вераць. Мы дамо вынік, я ўпэўнены ў гэтым. Хочам толькі перамог, – адзначыў Цевераў.