Рой Кін: «Манчэстэр Юнайтэд» гуляе як маленькі клуб, таму я не падзяляю аптымізму тэн Хага»

Былы паўабаронца «Манчэстэр Юнайтэд» Рой Кін крытычна выказаўся ў бок галоўнага трэнера «МЮ» Эрыка тэн Хага пасля матчу з «Ліверпулем» (2:2).

«Падобна, ён выпіў пару куфляў віна пасля матчу. Не ведаю, наколькі яно было моцным, але ён выглядаў вельмі жыццярадасным, чаму я захапляюся – відавочна ж, што ён бачыць тое, чаго не бачу я.

«Манчэстэр Юнайтэд» гуляе як серадняк, як маленькі клуб, і незразумела, за кошт чаго яны збіраюцца перамагаць. Цяпер яны змагаюцца з «Вілай» і «шпорамі» за 4-5-е месцы і саступаюць ім.

Таму я не падзяляю яго аптымізму. Можа, таму, што я ўжо крыху стары і бурклівы», – сказаў Кін.